ما وراء الأشياء

- إيه الأخبار يا دكتور ؟ - لاء أطمن، أستريح بره خمس دقايق على محضرلك الحقنة. - تمام، شكراً. لحظات مرت في غرفة الأنتظار وهو يقلب عينيه بين السقف والحائط والأرض ورجل وحيد يجلس في ركن الغرفة، علا صوت عقله عن الأصوات المحيطة، متحدثاً إليه: - يا ترى هتخف بعد الحقنة ديه ؟! - إن شاء الله خير. - طب تفتكر هتوجع ؟ - إن شاء الله خير. - طب هنعمل إيه بعد مناخد الحقنة ؟ - سيبها على ربنا. - طب تفتكر سابولنا أكل في البيت ولا عشان أتأخرنا ممكن يفتكرو أنك أكلت بره ؟ - ربك يسهلها. - أصل أنا جعان، هنعمل إيه لو ملقيناش أكل ؟ - يعم قلتلك .. إيه ده .. إيه الصوت ده. قطع صوت عقله، صوت رجلان يتحاوران في برنامج تليفزيوني: - ونرجع تاني وبرنامج الرئيس مع ضيفنا ويمكن السؤال الي دائماً يؤرق مشاهدينا ومش مشاهدينا بس ده المصريين كلهم: ((الناس بتسأل ياترى هتتعامل أزاي مع بعض الجماعات المعنية بالعنف بشكل أو بآخر؟هل هتعمل على أنك توقفها عند حدها ؟ )) - بالطبع .. بالطبع .. أ أ .. نعم - أزاي ؟! -  ((صمت)) .. أ أ .. زى مقولت قبل كده .. أما تيجي تتكلم عن الأمة المتقنة .. آ .. ممكن تستحضر دول بعينها ....