ما وراء الأشياء

"ذكر جورج كارلين انه عندما رأى شعار افتخر لكونك امريكى مدى استياءه من هذا الشعار, فهو على حد ذكره لم يستطع فهم الفخر بالوطنيه او بالانتماء لعرق معين او نوع معين, بالنسبه لجورج الفخر يجب ان يكون متصل بشىء قد حققته بنفسك لا ان تتفاخر بشىء قد ولدت و وجدت نفسك عليه" وجهة نظر جورج كارلين ان الوطنيه مش مهاره او اى حاجه اتولدت عليها ديه مش حاجه انت اكتسبتها او حاجه انت تعبت فيها عشان تتفاخر بيها, مثلا مينفعش تقول انا فخور ان طولى 175 سم , او ان وزنى كذا....وهكذا وانك من حقك تبقى سعيد بحاجه زى كده لكن مش من حقك انك تبقى فخور, لان الفخر دايما مرتبط بحاجه انت حققتها انا مش عايز اناقش  فى المقاله وجهة نظر جورج, لكن ده يخلينا نفكر بشكل اعمق فى حاجات كتير ومنهم الحاجه الى عايز اتكلم فيها الى هيه الوطنيه او الانتماء بشكل عام, لما ابتديت افكر فى حاجه زى كده يعنى ايه انا ابقى منتمى لبلد معينه واشمعنى البلد ديه هل لمجرد انى اتولدت ليها, يعنى ايه انا ابقى منتمى لدين معين او فكر معين ...الخ وكل مقربت اكتر وفكرت بشكل اعمق كل مكتشفت ان الوطنيه او الانتماء بشكل عام هم سموم ال...

لما بتكلم مع ناس كتير بكتشف حاجه غريبه جدا, سواء عن طريق ان الشخص نفسه يقولى او ان ده يبان من كلامه, ناس كتير هدفها هو انها تبقى سعيده, ممكن تكون بتقرى المقال ده وتقول فعلا انا هدفى السعاده ازاى ديه حاجه غريبه ؟؟ طب خلينا نفكر بطريقتك ونشوف ايه الى بيحصل,  اول خطوه بتعملها انك تدور عن محفزات السعاده بالنسبالك وديه ممكن تكون عن طريق النجاح فى مجال معين او تحقيق هدف معين او انك يبقى عندك كم معين من الفلوس, وتبتدى ساعتها تبذل كل طاقتك فى حاجه زى كده, ممكن متنامش تموت نفسك من كتر التعب كل ده عشان هدفك الاساسى انك تحس بالسعاده لكن انت نسيت حاجه مهمه نسيت تحسبها, ممكن يكون سبب تحقيق هدفك مثلا سنه شغل وتعب وبهدله وفى الاخر بتحقق هدفك اخرك بتبقى سعيد اسبوع, بعد كده بتتعود على النجاح وبيبقى شىء طبيعى جدا, طب ازاى اضحى بسنه فى مقابل اسبوع او ايا كان دايما هتلاقى تعبك اكتر بكتير من مدة سعادتك المعادله مش مظبوطه ودايما بتخرج خسران الطريقه التانيه ان يبقى هدفك هو الوصول للسعاده عن طريق الشهوات, الاكل, الجنس , الشهره, الفلوس وساعتها بتتحول لكائن مادى مفيش حاجه بتشبعه والموضوع يت...